Një sasi tritoli ka shpërthyer në banesën e Xhavit Mashës, në qytetin e Krujës. Sipas policisë lokale, lënda plasëse ka shpërthyer rreth orës 03:00 të mëngjesit të sotëm.
Nga shpërthimi fatmirësisht janë shkaktuar vetëm dëme materiale në banesë si dhe automjeti që ndodhej i parkuar në oborr.
Policia thotë se lënda plasëse është hedhur brenda murit rrethues të banesës, në lagjen “Pengile”.
Nga hetimet e para dyshohet se ngjarja ka ndodhur, pasi djali i Xhavitit, 29-vjeçari Besnik Masha është përgjegjës i OSHEE-së në Fushë-Krujë.
Grupi hetimor po punon për identifikimin e autorëve dhe sqarimin e shkaqeve të ngjarjes.
Shfaq Komentet (0)
